Netṛaja yay yetṛajan Gudu
S tcawit
Netṛaja timmi n tfukt
Ad d-tmel ɣef weglim n tisit
Netṛaja ad d-nqewweṛ
Seg abliwen n newwaṛ
I yiman-neɣ tlalit
Ilul-d Gudu si lgirra d tṛaḍ
Qaren Gudu ɣef tilawt yeẓẓaḍ
Niɣ d tilawt s lemlaḥim n isekkilen
Ɣef lkaḍ
Gudu am ucehhal
Yiẓiḍ yetkewwaḍ
Netṛaja yay yetṛajan Gudu
S lqehwa d dduxxan deg fus
Maci d Malbuṛu
Am umeqsus
D asebsi s tziri yeṛɣa
Yebṛem s wafer n uneglus
Netṛaja iḍ
Neqqar-as iḍ
Netṛaja igli ɣer-neɣ ad d-itmurid
Netṛaja Gudu ad d-yeɣli
Ɣef ljeṛṛet n uherrar-neɣ
Deg brid
Netṛaja yay yetṛajan Gudu
S tcawit
Netṛaja i tmettant-neɣ tuqqit
Ad d-nẓem amezgun
Seg ẓuṛan n unil
D ljalat ad iṣefḍent imeṭṭi s yil
Nettemmel amraw s yay yetṛajan Gudu
Ad yemlil
D timlilit n yimi n ujenna
D wudem n usekkil
Netṛaja ul
Ad yssufes nful
S waman n tedwayt ad yellil
Netṛaja ur nrezzu
Netṛaja niɣ nettarjay
Yay yetṛajan Gudu
S tikli i wzarez tkennu
Neẓẓuɣiṛ taɣimit
Ɣef uneggaru n teqṣiḍin
D ufeɣɣem n usefru
D lexwan njeddeb nejjer
Ur nettaru ur nmerru
Nreffed asenjaq
Ɣef imessenda d uceṭṭabi
D izuɣaɣ n umezru
Ad nessedder tutlayt
Deg nza ɣef yigmiren n yimawen
Tgeṭṭu
Ur nrezzu
Netṛaja yebḍu
Tekfa tmezgunt
Hwan-d lklul
U yekfa usefru
U werɛad netṛaja
Yay yetṛajan Gudu.
Muḥ-Terri
