Cinéma&ThéâtreS tchawith

Tadwilt tis-ṭemma n tfaṣka tadelsant taɣennawt n umezgun amaziɣ

Asuggas-a tarbaɛt n inumiden tella di tedwilt-aya n tfaṣka tadelsant taɣennawt n umezgun amaziɣ di tbatent ,baca ad teṣṣiwweḍ tidyanin s kṛaḍ n tutlayin ,tafṛansist ,taɛṛabt d tcawit .

Di tmeddit n mṛaw jenbeṛ-aya ,deg xxam n umezgun amanḍan n Tbatent ,teṛẓem tadwilt tis-ṭemma n tfaṣka tadelsant  taɣennwant n umezgun amaziɣ sunejwi n mṛaw d kṛaḍ n terbaɛin n umezgun seg-sent mṛaw d sent ad adfent timsizzelt deg ẓeṛṭeṭ n wussan ɣer mṛaw d teṣṣa deg gur-aya mani ad twawcen warazen s wefran n tesqamut n inezzurfa ay yeṭṭef mas Jamal Neḥḥali .u tella tmezgunt s-wayes tetwaṛẓem tfaṣka ,ay yessili mas Tufiq Bexxuc ,u a tsuqel ɣer tcawit massa Naɛima Dellul seg ḍṛiṣ Ṣaliḥa u alf ṭekliḥa n tzeffant Ṛeḥma Qalla ay iraren di tmezgunt-nes irar d leɛjeb ,mani tenjem ad teṣṣeḍṣ u ad tessil irgazen d lxalat ɣef tilawt n tmeṭtut di tmetti tacawit si zdat n tlalit ɣer tgara deg kaccu ,massa Qalla tella d timsideft ay yeṣṣefṛaḥen u nessaram ad t-ḍefṛen izeffanen d tmezgunin yestahlen ad ilin di tfaṣka d taɣennawt .

U id n tmezgunin yella wahil n isaragen ,ad utlayen s tmusni d tikli n isuggasen deg-sen imusnawen d inaẓuṛen imeqṛanen, ɣef umezgun d umezruy-nes d yiman n wegdud deg mezgun d cṛa n wudmawen n tedles ay ɣen-yeǧǧin isuggasen ifaten am Cebbaḥ Lmekki d Belɛid ayt Ɛli.u ɣef uneggaru mammek ad wen-d-nna atrar n tedwilt-aya ad t-afem id-neɣ deg numiden s kṛaḍ n tutlayin.

Kamel Tiḥmmamin

Amawal :
Ṭemma =  huit= ثمانية

Teṣṣa = sept=سبعة

Kṛaḍ =trois= ثلاث

Aḍṛiṣ=texte=النص

Amezgun=théâtre= المسرح

Agdud=الشعب=peuple

Timatti =société=المجتمع

Azeffan/izeffanen=comédien=الممثل

Asarag/isaragen=conférence=محاضرات

Articles similaires

Bouton retour en haut de la page