Accueil > Art&Culture > Littérature&Poésie > Tametna [ Asefru ]
yunes Aɣuggali

Tametna [ Asefru ]

Tuddimin n tmetna

Ma slexsent cal

Mnad-ihent …

Dder-ihent …

D tidet s sen n tiṭṭawin

D tilawt d tamelḥant

Yexḍa d timnamin

Wa yeḥlan ha-t yeḥla

Qqen fell-as ul-nnek

Ɣummi-t s uḥenned, ur yetnejla

D isurifen mqadan u mwatan

Ɣer yimal d yiwal

Ɣer mani ay yiḥed wawal

Ɣer-s netta bab n lekmal

I fad-nnek, sew-ihent d aman

Ṣfan, ɛfan d tazedega

N ujenna s-neg n ujenna

N uxella,  n Rebbi …

Yexḍa d ljalat

N uḥemmal …

N lqil wa lqal

Neɣ d azewwek n lmal

Alli yella u mazal

D afṣil …

Asegru ɣef usegru

N iḍelli …

N wass-a …

N yimal, d yiwal

N yal ass, s tfukt

Neɣ s ugur d ucehhal

Suzzuren asegna d waylal

Ha-t tkemmen, tjemmen d akedded

Tamezwarut teggar asurif

S lmizan d lqedd

Texḍa d aherrif

S lḥeqq

Texḍa d axeṛṛif

Taneggarut d lweɛdet n umeɛṛuf

D tteɛzimt n bab n uxenfuf

Yessek-ihent i terjin n cwal

Ad nsent …

Ad xsint …

S tuddimin n tmetna

Ma slexsent cal

D tmudri …

D tayri …

Yedder-it, yemnad-it mmi-s n leḥlal

Tikli ɣer dat ur tetmira

Texda meqqen titt n uderɣal

S walli ɣer mani

Asurif ur yetreddef dar.

Yunes Aɣuggali

Partages

Nous vous recommandons

“Agadir n Roma ” raconte la saga des combattants Numides avec Hannibal

Aumer U Lamara, auteur de nombreux romans, dont “Tullianum – taggara n Yugerten”, “Timlilit di …

Partages