Accueil > Art&Culture > Littérature&Poésie > LHAYECT [ Asefru ]
yunes Aɣuggali

LHAYECT [ Asefru ]

Lhayect s sen n ifassen teknu-d ɣer-s

D aḥenned n ugennun

S yimi ifecceḍ s tezweɣ, yessuden “azul”

Ɣer ujenna iferfer u yers

Aḥellaq-nnes am weddar yettuɣum

S tikli n yebriden di tmenzut

S isurifen ur as-zmiren icekkamen

S unekkeṣ jar n tlegmatin d igelmamen

Ald mani a teǧǧa zaw n yexf-nnes deg isennanen

D lhayect leɛmer twakerfin-as ifassen d iḍaṛṛen

Amaḍal d taxxamt n tlelli

Dimmet tetwaḥrez i nečni

Bunadem di-s d lhayect yekref

Jar n iman-nnes amennuɣ ɣef ḍḍelf

Ul d walli bḍan d tinwalin

Zenzen tilawt i wendaf n tḥessifin

D aherres d uṣenṣel s-ddu n tgergabin

Fus yerfed tiliskop

U yict yetreddef amikroskop

D allalen tɛinen-t ɣer usirem

D lɛun i tikli ɣer ufaw

Ad yertaḥ si leɛtab n werzaw
Ad yeqqim u ad yessers ɣer yexf-nnes

Jar ijemmaḍen bu tesɛin n terdasin

S tmizafiqit d taɛessast am iccarren

Ha-t yeḍleq yeẓẓel iḍaṛṛen
Axenfuf deg ujenna, tiṭṭ (ma tella) tedderɣel

Am ccix n ljameɛ, yeẓra, ur yeẓri

Ixeddem s yimi, ɣadi d wawra yetnecwel

Am buyya, ass-a ɣer-s yeḥla ucawi

Adečča, ad yemmeḍṛen … ifuḥ ucawi

Ma yalli yekta, eǧǧ imi ad d-yini

Ssuḥemt teṛẓag am ulili

Ma yeqqim d anekruf, u ma yeggur d ilelli.

Lhayect s sen n ifassen teknu-d ɣer-s

D aḥenned n ugennun

S yimi ifecceḍ s tezweɣ, yessuden “azul”

Ɣer ujenna iferfer u yers

Aḥellaq-nnes am weddar yettuɣum

S tikli n yebriden di tmenzut

S isurifen ur as-zmiren icekkamen

S unekkeṣ jar n tlegmatin d igelmamen

Ald mani a teǧǧa zaw n yexf-nnes deg isennanen

D lhayect leɛmer twakerfin-as ifassen d iḍaṛṛen

Amaḍal d taxxamt n tlelli

Dimmet tetwaḥrez i nečni

Bunadem di-s d lhayect yekref

Jar n iman-nnes amennuɣ ɣef ḍḍelf

Ul d walli bḍan d tinwalin

Zenzen tilawt i wendaf n tḥessifin

D aherres d uṣenṣel s-ddu n tgergabin

Fus yerfed tiliskop

U yict yetreddef amikroskop

D allalen tɛinen-t ɣer usirem

D lɛun i tikli ɣer ufaw

Ad yertaḥ si leɛtab n werzaw
Ad yeqqim u ad yessers ɣer yexf-nnes

Jar ijemmaḍen bu tesɛin n terdasin

S tmizafiqit d taɛessast am iccarren

Ha-t yeḍleq yeẓẓel iḍaṛṛen
Axenfuf deg ujenna, tiṭṭ (ma tella) tedderɣel

Am ccix n ljameɛ, yeẓra, ur yeẓri

Ixeddem s yimi, ɣadi d wawra yetnecwel

Am buyya, ass-a ɣer-s yeḥla ucawi

Adečča, ad yemmeḍṛen … ifuḥ ucawi

Ma yalli yekta, eǧǧ imi ad d-yini

Ssuḥemt teṛẓag am ulili

Ma yeqqim d anekruf, u ma yeggur d ilelli.

yunes Aɣuggali

Partages

Nous vous recommandons

“Agadir n Roma ” raconte la saga des combattants Numides avec Hannibal

Aumer U Lamara, auteur de nombreux romans, dont “Tullianum – taggara n Yugerten”, “Timlilit di …

Partages