Littérature&PoésieS tchawith

Abrid n tira [asefru]

Siɣ-ay-d abrid ɣer tiṭṭawin-nem

Deg sefru ad tent-ktiɣ

Deg mezru ad tent-reqmeɣ

S terjayin ad tent-iniɣ

Eǧ-ay-d seg medwal luheṛ

Ad t-iɣum wawal

Da cehhal a s-mmiɣ

Uc awalen i zmam-inu

S wabliwen irawen ɣef wafriwen n yineglas

Tiṭ-inu ma ur temnad tili-nem

A tetteɛṛiq deg sellas

Ḥin ɣef yiḍ deg ul-inu

Fser seg udem-nem taziri di-s

Uc i tneffut-inu lqed-nem d tgidit

D ajenna d atrar d tafukt deg kin-nem a teṣṣuḍiṣ

D tameddit is-m d tanezzayt

I wemraw-inu d tafsut n tutlayt

Aya tayda teggur

Gur yettemɛiṛ si-s

S tmasext n ṣhiḍ ɣef udem tif-it

S yimi d aɣrim n wejris.

Muḥ-Terri

Articles similaires

Bouton retour en haut de la page