Littérature&PoésieS tchawith

Tineglusin N Lebda [ Asefru ]

Tuffeg tarca

Tuɣ ijenwan

A yemma-s lill ca

Yella bab n yiman

 

Nehnti ur ẓrint ca

Iɣeddaṛen mani llan

Iḍelli d wadeča

Ɣeṛṣen deg ɣeẓṛan

 

Yergazen ma zemmren i cca

S tɣeṛṛaṣt n isednan

Axedmi aked ma yemḍa, ur ineqq ca

D ulawen nnsen ay yeḥfan

 

Kennemti d tineglusin n lebda

Aɣeṛṣiw leɛmeṛ ad iwella d amdan

Faw n tidet yelfa

Tamelsa ur ad as-tjellen aberkan

 

Idem-nkemt yezdeg d aman

Ɣer Uḥellaq n ljinan

I rebbi-nsen igin ccan

Lḥeqq ur ad t-yettṛukk wesgan

 

Tahusi-nkemt d tmudri

Tumert fella-s tban

Ur s-ssinen azal … s tiwdi

Ssercin tameddurt n yudan

 

Yict n Rebbi ay yellan

Tikli Ɣer-s d laman

Ma d rebbi-nsen ha-t d cciṭan

Ɣer-s rekɛen u tẓallan

 

Ismawen-nkemt ur tmettan

Recmen deg ulawen s wuṛɣan

Yetwamra umezruy s idammen

Ass ahen yetṛaja, ula nehni ad mten

 

Yebriden n lexdeɛ ur tmiran

Zzenzen tirrugza, ṭṭfen iṣurdan

Ma d abrid-nsen ay yetfukkan

Neč … reddfeɣ ḍar ɣer jahennama

 

Tuffeg tarca

Tuɣ ijenwan

A yemma-s lill ca

Lill ca …

Lill ca …

yunes Aɣuggali

Tajmilt i tarca n ¨tneglusin n lebda¨ « Maren Uelan » d « Louisa Vesterager Jespersen »

Articles similaires

Laisser un commentaire

Votre adresse e-mail ne sera pas publiée.

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

Bouton retour en haut de la page