Accueil > Contributions > S tchawith > Asemmezday jar Murakuc ed Dzayer ed Tunes
Mubarik Belqasem

Asemmezday jar Murakuc ed Dzayer ed Tunes

Murakuc, Dzayer ed Tunes d-cṛaḍt en tmura Timaziɣin yellan di Tefriqt Tagafayt aha yudsen Oṛoppa.

Timura ya msebḍant jar-asent es yibuda (الحدود) isertanen ed yinagrawen (الأنظمة) isertanen aha idamsanen. Maca (لكن) yella waṭṭas ay ten yesmunan: tamagit (الهوية) Tamaziɣt, amezruy (التاريخ), tutlayin en Tmaziɣt ed Eddarija, timukras (المشاكل) tidamsanin aha timettiyanin (الاجتماعية).

Afad (ḥuma) ad ssnen Yimaziɣen amec ɣa uyuren ɣer zdat yuccel asen (يجب عليهم) ad ssnen addad (الموقف/الوضع) imiran (الحالي) nsen ed tnumal (المواصفات) en tmurt nsen ed tmetti (المجتمع) nsen.

1) Takalirawt (الجغرافيا) en tmurt:

Tallunt (المساحة) en Murakuc: 712.000 kilumiter amkoẓ.

Tallunt en Dzayer: 2.381.000 kilumiter amkoẓ.

Tallunt en Tunes: 163.000 kilumiter amkoẓ.

Murakuc yessajja (يطل) ɣef Yilel Agrakal (البحر المتوسط) ed Ugaraw Aṭlasyan (المحيط الأطلسي) es yijen weftas dey-s 3119 kilumiter en tuzgert (الطول).

Dzayer tessajja (تطل) ɣef Yilel Agrakal es yun weftas en 1557 kilumiter.

Aftas en Tunes tella di-s tuzgert en 1927 kilumiter.

Anezwi (المناخ) en ugafa (الشمال) en Murakuc ed ugafa en Dzayer ed Tunes d-anezwi Agrakal (متوسطي).

Anezwi Agrakal yettnumul (يتصف) es tegrest (الشتاء) yemludan (الدافئ) ay deg dd-iweṭṭa wenẓar. Aha (وَ) deg yidurar ed tmura timattayin ed tfuɣalin (الهضاب) iweṭṭa-dd wedfel (الثلج). Deg unebdu (الصيف) yettili waṭṭas (bahra, kigan) en wezɣal (الحَرّ) ed tirɣi (السخونة).

Agafa en Murakuc ed Dzayer ed Tunes yella di-s waṭṭas en taganin (الغابات) ed yizaɣaren (السهول) izeyzawen. Zeg wakud (الزمن) aqbur la llan yimeksawen (الرعاة) ttrasen aywalen (البهائم) nsen di tmura ya tizeyzawin (الخضراء). Tadamsa en tkassawt (الرعي) tirar ict (yat) twala (الدور) d-tameqqṛant di tneflit (التنمية) tadamsant en yimezdaɣ en Tamazɣa tagafayt (الشمالية).

Deg yineẓrofen (الصحارى) yella waṭṭas imeksawen (الرعاة) Iẓnagen (الصنهاجيون) ed Yimuhaɣ (الطوارق) ay ikessan ileɣman (الإبل) aha tteddaren yut tudert en yinig (التنقل) ed ugaji (الترحال). Maca aṭṭas di-sen zeddɣen deg yiɣeṛman ed yiẓnigen (الواحات).

Ca en 60% (sḍimraw di tmiḍi) en tmurt en Murakuc d-aneẓrof (صحراء). Di Dzayer, 80% (tamraw di tmiḍi) en tmurt d-aneẓrof. Di Tunes, 50% (semmumraw di tmiḍi) en tmurt d-aneẓrof.

Urd (ليس) akk (كل) timura oneẓrof dlant (مغطاة) es yijdi (igidi, amlal). Aṭṭas en tmura deg oneẓrof waxxa uzɣent (جافة) ɣemmyen deg-sent yicakan (النباتات) am wari (الحَلْفاء) ed kra isekla (الأشجار) am tezdayin (النخلات). Aha zeddɣen deg yineẓrofen kigan (aṭṭas) en medden. Kra en tikkal (أحيانا) ttekken deg yineẓrofen yisaffan (iɣeẓran) aha llan dey-sen wanuten (الآبار) ed yiẓnigen izeyzawen ed yigelmamen (البحيرات) en waman imiẓiḍen.

Es umedya (مثلا), tamnaḍt (إقليم) Tamurakucant en Zagura (Tazagurt) d-tamnaḍt taneẓrofant (صحراوية) maca zeddɣen dey-s 290.000 (sent en tmaḍ ed tẓamraw igiman) imezdaɣ aha tella dey-s tkerza.

Di Dzayer, tamaẓlayt (الولاية) en Ɣerdayt tella deg wammas oneẓrof Adzayri maca zeddɣen dey-s 400.000 (kkoẓt tmaḍ igiman) imezdaɣ.

Di Murakuc llant 2 (sent) en tegrawin idurar: idurar en Arif ed yidurar en Waṭlas (niɣ Dern). Idurar en Dern (Aṭlas) ttsiɣin (يستمرون) ar ataram (الغرب) en Tunes ɣef webrid en Dzayer.

Zeg yidurar a ay dd-tteffɣen yiɣeẓran (الأودية) ed yisaffen (الأنهار) akk am Melwect (ملوية), Lukus, Sbu, Wansifen (أم الربيع), Tansift, Sus, Masset, Dra (درا/درعة) di Murakuc, ed Clef (شلف) ed Yesser di Dzayer.

Asif (niɣ iɣẓer) en Mǧerda (مْدجرْدة) yetteffeɣ-dd zeg yidurar en Dzayer aha yettadef (yettekcam) di Tunes ard yessfey deg Yilel Agrakal (البحر المتوسط) ɣer yiɣṛem en Tunes Tazoẓẓent (تونس العاصمة).

2) Imezdaɣ (السكان):

Oṭṭon (العدد) imezdaɣ en Murakuc yiweḍ (yelkem) ar 35 ugendid deg useggʷas en 2018 (sin igiman ed mraw-ed-tam).

Oṭṭon imezdaɣ en Dzayer yiweḍ ar 42 ugendid.

Tunes zeddɣen dey-s 11 ugendid en yiwdan.

Iɣṛem (aɣṛem, المدينة) ameqqṛan akk (الأكبر على الإطلاق) en Murakuc d-Anfa ay yellan d-tazoẓẓent (عاصمة) tadamsant nnes. Anfa la yella d-ijen yiɣṛem d-ameẓẓyan aṭṭas ɣef Meknas ed Meṛṛakec ed Fas ed Wejda. Maca deg wakud en usehres (الاستعمار) Afṛansis-Aseppanyo yemɣeṛ Anfa ar ami yedwel d-iɣṛem ameqqṛan akk di Murakuc minzi (acku) tamguri (الصناعة) tegma dey-s aṭṭas. Aɣṛem en Anfa ila (يمتلك) asagen (الميناء) ameqqṛan akk ed unafag (المطار) ameqqṛan akk en Murakuc.

60% en yisawuren (المعامل) ed yisikʷnan (المصانع) en Murakuc llan di Anfa. Es uyenni (بسبب ذلك) yettɣima Anfa isettef-dd (يجذب) imawuren (العمال) ed yimahalen (الشغالين) ed tedrawin (الشركات) ed tebzarin (الاستثمارات) ɣer-s aha es uyenni Anfa imeqqaṛ (يكبر) ugar en (أكثر من) yiɣeṛman yaḍnin (الآخرين/الأخريات).

3) Tadamsa (الاقتصاد) en Murakuc ed Dzayer ed Tunes:

Tigmi tadamsant (النمو الاقتصادي) en Murakuc di 2018 ad tili 3,1% (kṛaḍ taccert ijjen di tmiḍi). Di Dzayer 3%. Aha di Tunes 2,4%.

Aseggʷas en 2019, llant taggunin (التوقعات) ad dey-s taweḍ tigmi tadamsant en Murakuc 4%. Di Dzayer ad tili 2,7%. Di Tunes ad tili 2,9%.

Aɣbalu (المصدر/المنبع): IMF.

Asirew amuran azeyza, S.M.Z. (الناتج الوطني الخام) d-ayen tessirew (أنتجت) kra en tmurt di tkerza nnes ed temguri nnes ed tdamsa nnes deg yun (ijen) useggʷas. Es tutlayt Tinglizt qqaṛen as: GDP (Gross domestic product).

Asirew amuran azeyza en Murakuc di 2017 yiweḍ ar 109 melyaṛ dollar (nominal GDP) niɣ 309 melyaṛ dollar (PPP).

Asirew amuran azeyza en Dzayer di 2017 yiweḍ ar 175 melyaṛ dollar (nominal GDP) niɣ 629 melyaṛ dollar (PPP).

Asirew amuran azeyza en Tunes di 2017 yiweḍ ar 39 melyaṛ dollar (nominal GDP) niɣ 136 melyaṛ dollar (PPP).

Imḍanen a (هذه الأرقام) zeg Wefniq Agramuran en Wedrim (FGD), (صندوق النقد الدولي, IMF).

Tadamsa en Murakuc ed tenni en Tunes ttwaskant (مبنيتان/مبنيات) ɣef yimuɣlen (روافد) imennawen (متعددون):

– Takerza (tiyerza, tafellaḥt, tafedjaḥt).

– Afoṣfaṭ.

– Tagemrawt tilelyant (الصيد البحري).

– Amurrey (السياحة).

– Asekki (إرسال) en yidrimen (الأموال) zɣer yimezwag (المهاجرين) izeddɣen di Oṛoppa ed Amirika ed Kanada.

– Tamguri tufsist (الصناعة الخفيفة) am temguri tucciyant (الصناعة الغذائية) ed temguri en waṛṛoḍ (صناعة الملابس).

Tadamsa en Dzayer tbedd deg wezyen nnes ameqqṛan ɣef uzenzi en ofetṛol (البترول) ed ugaz agaman (الغاز الطبيعي), maca aṭṭas ttmuzulen (يشتغلون) di tkerza ed temguri tufsist.

4) Oṭṭonen imezdaɣ en yiɣeṛman en Murakuc:

Di Murakuc ina d-oṭṭonen imezdaɣ di simraw-ed-semmus (25) iɣeṛman imeqqṛanen guncek (بحسب) tiṭṭant (الإحصاء) en 2014:

1 – Anfa Ameqqṛan (الدار البيضاء الكبرى): 3.359.000 imezdaɣ.

2 – Fas: 1.112.000 imezdaɣ.

3 – Ṭanja: 947.000 imezdaɣ.

4 – Meṛṛakec: 928.000 imezdaɣ.

5 – Sla: 915.000 imezdaɣ.

6 – Eṛṛbaṭ: 577.000.

7 – Meknas: 520.000.

8 – Wejda: 494.000.

9 – Qniṭra: 431.000.

10 – Agadir: 421.000.

11 – Tiṭwan: 380.000.

12 – Tmara: 313.000.

13 – Asfi: 308.000.

14 – Leɛyun: 217.000.

15 – Elmuḥemmadiya: 208.000.

16 – Xribga (Xʷribga): 196.000.

17 – Ejjdida: 194.000.

18 – Bni Mellal: 192.000.

19 – Ayt Mellul: 171.000.

20 – Ennaḍor: 161.000.

21 – Dar Buɛezza: 151.000.

22 – Taza: 148.000.

23 – Seṭṭat: 142.000.

24 – Bercid: 136.000 imezdaɣ.

25 – Lexmisat: 131.000 imezdaɣ.

Mubarik Belqasem
tussna@gmail.com

– Aḍris aya es Tmaziɣt en Yirifiyen.
Partages

Nous vous recommandons

Tilelli niɣ tawuri ? Mayen yexs Umeɣrabi?

Mayen umi qqaṛen “tilelli”? Tilelli tella xminni (asmi) afgan yettegg mayenma yexs maca asel ma …

Partages