S tchawith

20 yebrir ass-a d wass-din

Iwella-d 20 yebrir (avril) u matta netwellit, iwella-d u tmaziɣt d tutlayt d taɣennawt d tunṣibt mammek ad qaren mbeṣṣeḥ matta ay yella imer-din 20 yebrir mebla yawelli ɣef ljeṛṛet niɣ azzeɣret ɣef umezruy nṣedṛ-it s uferrug u maci s walli . Yella 20 yebrir 1980 d tiɣṛi neɛɛuggen ass-a ɣef lmetl-nes xaṭeṛ ass-din mammek ay yenna Sidna Ɛisa maci s weɣṛum weḥdes ad tedren yudan u am-in nan ayetmat-neɣ Leqbayel , nan nedder, mbeṣṣeh nečni ass-a matta neqqar ? neqqar tmaziɣt, d matta n tmaziɣt ad neqqar ? neqqar izerfan, d matta n izerfan ? u neqqar amennuɣ mebla ma ad nennuɣ.

Kamel Tiḥmamin
Kamel Tiḥmamin

Yella 20 avril d ass amezwaru deg mezruy n imaziɣen a utlayen ɣef iman-nsen d agdud s tedlest nes tefrez ɣef tdelsin yiḍ n umaḍal mbeṣṣeḥ mammek d matta-t u da ad d-uɛiɣ ɣef iseqsiyyen n zik u amezwaru si-sen matta n tmaziɣt ? u ma lwiɣ tikermin i tefyirt n Ayt Mengellat ad d-iniɣ kul yiwen d tmaziɣt-is ay aḥbib u tmaziɣt n 20 avril ay yessekker usarag n umusnaw ameqṛan Da Lmulud n Ayt Mɛemmeṛ tban, d tmaziɣt n tmusni maci n tcufinit niɣ d tmaziɣt n l FLN . U wis-sen matta n izerfan ? u mebla ma ad triɛ si-neɣ tutlayt ad tenfra lih lih ad nini d izerfan n yudan si l A ɣer Z mebla ma ad ten-ṣyyer niɣ ad nefren si-sen wa ad yergen ɣef yiman-neɣ aɛṛab-ineslem !! u amennuɣ d amennuɣ n nella niɣ ur nelli yeɛni ad d-nedder tmaziɣt ad nil u ad neḍṣ s tmaziɣt, ad nemru is u ad nxemmem is beṛṛa n yigmiren u bla lemziyyet n l HCA.

U ɣef uneggaru ad wen-d-ɛawdeɣ ay yenna Sidna Ɛisa maci s weɣṛum weḥdes a tedren yudan u ass-din ayetmat-neɣ Leqbayel nan nedder u maci nan Leqbayel dren nan Dzayer tedder u ad tedder ma tarwa-nes surfen maču d wexxam d wercal ɣer luheṛ deg ul qaren-as iman d waduf deg ixef neqqar-as s tcawit alli.

Kamel Tiḥmamin

Articles similaires

Bouton retour en haut de la page