Tacemmaɛt tṛeq tetfaw
Niɣ tṛeq tesfaw
Niɣ ɣef tfawet
Ɣef tallast tiraw.
Ald ad yṣṣerɣ uderwic tacemmaɛt di lemqam ad yuc ameɛṛuf yesfaway amezru n lwali u ald ad yṣṣeṛɣ uqeddac tacemmaɛt ad yeqṛa yesfaway imal n wegdud , u ma yella Sidna Ɛisa yqqar neč d tfawet u Buda lmeɛna-nes tfawet u ma Ṛebbi d tfawet n ijenwan d tmurt ur tenjamen-ca igliden n yiḍ taylalin ad sexsin tfawet deg dmaren n iḥṛuṛen s tneffut-nsen aged ma teṣmeḍ ɣef tmettant , ur tenjamen-ca ad serglen iẓenẓaṛen s tili-nsen niɣ ad nedlen itran n ujenna deg cal.
Iqeddacen n Qayes ay yeṛẓin iḍ s tcemmaɛt nan i yiɣrimen n ufaw , faw ɣef yigli n wulawen ay yetlal , nan i wudem wis sen n Daɛec iman ur yetmetta u tamettant n lefrist d tilelli i way yrezzun ɣef ujenna i wafriwen-nes d tlalit d tatrart u s imeɣṛaṣen si Lḥusayn ɣer Či Givaṛa ɣer texxamt n tedlest di Qayes ay yetfaw yiswi , ay yṛeqqem webrid zeddu n uḍaṛ i tikli , u maci s trisiti ma yella niɣ ur yelli , maci s umezgun ma tmudri-neɣ d taceqquft u maci s isefra ma tacemmaɛt n iqeddacen n Qayes ɣef yimi-neɣ d tameɣṛuṭt .
U ɣef uneggaru ad d-niɣ tanemmirt i way ybedden deg neṭṭal n trisiti , i way yredsen di tmeɣṛa n tcemmaɛt tanemmirt i yqeddacen n Qayes .
Kamel Tiḥmamin
lexique :
Agdud :الشعب |peuple
Faw :الفجر|aurore
Igli :الأفق |horizon
